საწრეო მუშაობა "ფანტაზია და მარჯვე ხელები"

საწრეო მუშაობის პროგრამა

წრის დასახელება: ,,ფანტაზია და მარჯვე ხელები“

სკოლა: სსიპ.გორის N 10  საჯარო სკოლა

სამიზნე ჯგუფ ი: 4 გ კლასის მოსწავლეები.

მასწავლებელი: გულნარა ყირიმელი

წრის ხანგრძლივობა: 2019 სასწ.წელი (I სემესტრი, კვირაში ერთხელ-45 წთ.)

წრის მოკლე დახასიათება: სსიპ.გორისN 10  საჯარო სკოლაში ჩამოყალიბდა ხელოვნების  წრე:  

,, ფანტაზია და მარჯვე ხელები“

 წრე სკოლის რესურსების და მოსწავლეთა ინტერესების გათვალისწინებით იქნა შერჩეული,წინასწარი მოკვლევის საფუძველზე სკოლამ განსაზღვრა მიმართულება.

წრის მუშაობის პროფილი: მოსწავლეები გაიღრმავებენ და განიმტკიცებენ

ცოდნას ხელოვნების საგანში ე.ს.გ. მოთხოვნების შესაბამისად. გაეცნობიან

ქსოვის, კერვის, მაკრამის, აპლიკაციის,იკებანას სახეებს.  განიმტკიცებენ აპლიკაციის  შესწავლისას , შესაბამის სახესხვაობებს. ნასწავლ მასალას დაუკავშირებენ ყოველდღიურ ყოფა- ცხოვრებას.რა თქმა უნდა საწრეო პროგრამის შედგენისას გავითვალისწინე, მოსწავლეთა ინდივიდუალური შესაძლებლობები, ინტერესი,

სურვილი,აქტივობები დავგეგმე მარტივიდან -რთულისაკენ, რაც ხელს შეუწყობს

ყველა მოსწავლის ჩართულობას, გაზრდის მათში მოტივაციას,

პასუხისმგებლობას, თვითრწმენას, ეს კი დაგვეხმარება საწრეო მუშაობის მიზნის

მიღწევასა და მოსალოდნელ შედეგზე გასვლაში.

წრის მნიშვნელობა: საწრეო მუშაობა ხელს შეუწყობს ,მოსწავლეთა ესთეტიკურ

აღზრდას და შემოქმედებით პიროვნებად ჩამოყალიბებას. მოსწავლეებს

გამოუმუშავდეთ საწრეო მუშაობისას შემოქმედებითი, თანამშრომლობითი

სოციალური, კომუნიკაციის, თავისუფალი აზრის გამოხატვის და სხვისი აზრის

პატივისცემის , იმპროვიზაციის, გუნდურობის,

ასოციაციური აზროვნების, ტოლერანრობის და

ტრანსფერის უნარები რაც ხელს შეუწყობს სწავლის ხარისხის გაზრდას.

წრის აქტუალობა: რადგან მოსწავლეთა უმრავლესობა ნაკლებად

ინტერესდებიან ხელნაკეთი ნივთებით, არ იციან ქსოვა, კერვა და არ იყენებენ სხვადასხვა ნარჩენებს ხელოვნების ნივთების შესაქმნელად.

დაეხვეწებათ  გემოვნება, გაიღრმავებენ თეორიულ და

პრაქტიკულ ცოდნას  შეისწავლიან ქართული რეწვის ოსტატების ნამუშევრებს.

ნასწავლს დააკავშირებენ ყოველდღიურ ყოფა-ცხოვრებასთან .გაუღრმავდებათ ცოდნა და ინტერესი ეროვნული კულტურის მიმართ.

საწრეო მუშაობის მიზანი:

·         ხელოვნების ნიმუშების შექმნის, სავარჯიშოების თეორიული და პრაქტიკული ცოდნის ჩამოყალიბება.

·          ქართველ რეწვის ოსტატთა შემოქმედბის გაცნობა.

·         მოსწავლეების როგორც ხელსაქმის მცოდნე ადამიანად ჩამოყალიბება.

·          ხელოვნების და კულტურის  ინტეგრაციის მნიშვნელობის

ჩამოყალიბება.

·          მარტო და სხვებთან ერთად ქსოვის  უნარ- ჩვევების გამომუშავება.

·          შესწავლილი კერვის და ქსოვის ყოველდღიურობასთან დაკავშირება.

·          შემოქმედებითობისა და სასწავლო შემეცნებითი უნარების განვითარება.

სასწავლო რესურსი: საქსოვი ჩხირები, საქსოვი ძაფი, ყაისნაღი, მაკრატელი.აუდიო-ვიდეო ჩანაწერები, კომპიუტერი, ინტერნერსაიტები,ქსეროქსი, თაბახის ფურცლები,კალამი, ფანქარი დაფა.

შეფასება: მოსწავლეები და მშობლები შეაფასებენ წრის მეცადინეობებზე

მიღწეულ შედეგებს წინასწარ შემუშავებული კითხვარის მიხედვით.

საწრეო მუშაობის პროგრამა:  

N	შეხვედრების განრიგი	თემის დასახელება	რესურსები	ხანგრძლივობა
1	19.09.2019	საწრეო მუშაობის  თემატიკის,მიზნების , შეხვედრების  და განრიგის გაცნობა	დაფა,მარკერი კომპიუტერი	45წთ.
2	26.09.2019	თვლების ამოყვანა ქსოვისას		45წთ.
3	03.10.2019	წაღმა ქსოვის შესწავლა		45წთ.
4	10.10.2019	უკუღმა თვლების ამოყვანა		45წთ.
5	17.10.2019	კაშნეს მოქსოვა		45წთ.
6	24.10.2019	სხვადასხვა სახეებით ქსოვა		45წთ.
7	31.10.2019	ხალიჩის ქსოვა		45წთ.
8	07.11.2019	ხლიჩის ქსოვის მეთოდიკის შესწავლა		45წთ.
9	14.10.2019	კერვის სახეები		45წთ.
10	21 .10.2019	ზომების აღება და თარგის შედგენა		45წთ.
11	28.10.2019	ქვედა ბოლოს შეკერვა		45წთ.
12	05.11.2019	ბოლოს შეკეცვის ტექნიკის სწავლა		45წთ.
13	12.11.2019	ქარგვის სახეები		45წთ.
14	19.11.2019	ფერადი ძაფებით ქარგვა		45წთ.
15	26.11.2019	მოსწავლეთა ნამუშევრების გამოფენა, მშობლებთან და მასწავლებლებთან ერთად.		45წთ.

მასწავლებელი:         გ.ყირიმელი

19.09. 2019წ.

განცხადება

       სსიპ გორის N 10 საჯარო სკოლაში,2019 წლის 19სექტემბრიდან- 26 ნოემბრის ჩათვლით.  ესთეტიკის და ხელოვნების კათედრაზე იხსნება ხელოვნების წრე: „მარჯვე ხელები“ 1 და მე-4, კლასის მოსწავლეებისთვის.  

მეცადინეობები ჩატარდება კვირაში ერთხელ -ოთხშაბათს.(Iსემესტრის განმავლობაში.) დასაწყისი-13:30სთ. მეცადინეობის ხანგრძლივობა1საათი

წრის  ხელმძღვანელი :   გულნარა ყირიმელი

მსურველებს შეუძლიათ განცხადებით მიმართონ სკოლის დირექციას.  განცხადებაში დაადასტურეთ თანხმობა გსურთ თუ არა თქვენი შვილის ამსახველი ფოტოების გამოქვეყვების.

                                     საწრეო მუშაობის რეფლექსია

სკოლა:  სსიპ გორის N 10 საჯარო სკოლა

 მასწავლებელის სახელი და გვარი:  გულნარა ყირიმელი

პირადი ნომერი:  59001007260

წრის სახელწოდება-,,ფანტაზია და  მარჯვე ხელები“.

 ჩემს  მიერ,  2019 წლის 19/09----02/12 -ჩათ. ხელოვნებაში განხორციელებული საწრეო მუშაობა, IV კლასში, სახელწოდებით: ,, ფანტაზია და ხელმარჯვე ხელები“  მოიცავდა  ე.ს.გ. მოთხოვნების შესაბამისად, მოსწავლეები გაეცვნენ ხელოვნების სხვადასხვა მიმართულებებს, ასევე გამოიმუშავეს ქსოვის, ქარგვის, კერვის, ხალიჩის რეწვის პირველადი უნარები. ვფიქრობ საწრეო მუშაობა წარმატებით დასრულდა. მოსწავლეებთან მუშაობა საინტერესო და სახალისო აქტივობებით იყო დატვირთული.

წრის ჩამოყალიბება გადავწყვიტე, პრობლემის გათვალისწინებით, რადგან  მოსწავლეთა უმეტესობას სახლში არ ასწავლიან ხელმარჯვეობას, კერვას, ქსოვას და სხვა მისთანებს, მშობლებს დროის დეფიციტის გამო არ აქვთ საშუალება თავად შეუკერონ და მოუქსოვონ საჭირო ტანსაცმელი, მშობლები იძულებულნი არიან მზა სახით უყიდონ მაღაზიებში და ის ცოდნა, რაც მათ აქვთ ნასწავლი ბებიებისგან, აღარ გადაეცემათ მათ შვილებს. ამიტომ წრეზე მოსწავლეები ისწავლიან და  გაიღრმავებენ პრაქტიკულ  ცოდნას ქართველი  რეწვის ოსტატების შემოქმედების მიხედვით.  ნასწავლს დააკავშირებენ ყოველდღიურ  ყოფა-ცხოვრებასთან .გაუღრმავდებათ ცოდნა და ინტერესი   ეროვნული კულტურის მიმართ.   საწრეო პროგრამის შედგენისას გავითვალისწინე, მოსწავლეთა ინდივიდუალური  შესაძლებლობები, ინტერესი, თავდაპირველად შევადგინე სამოქმედო პროგრამა, რომელშიც გავითვალისწინე მოსწავლეთა ინტერესები.

სწავლის პროცესი დამღლელი და მონოტონური რომ არ ყოფილიყო, წრის პროგრამაში შევიტანე სახალისო აქტივობები,  მოსწავლეებს გავაცანი საწრეო მუშაობის დასახელება, პროგრამა, მიზანი, შეხვედრების განრიგი. მსურველები გავაერთიანე და დავიწყეთ მუშაობა .საჭირო ინფორმაცია  ავტვირთე ჩემს ბლოგზე.

 საწრეო  მუშაობაში  ჩაერთო 20 მოსწავლე. უნდა ავღნიშნო, რომ დიდი ინტერესი გამოიწვია მოსწავლეებში წრის მუშაობამ. . მოსწავლეები იძიებდნენ ინფორმაციას და სწავლობდნენ მოხუცებისგანაც. ჩართულები იყვნენ შემოქმედებით და საინტერპრეტაციო საქმიანობაში. მუშაობდნენ წყვილებში,  ჯგუფებში,  ინდივიდუალურად. აქტიურად თანამშრომლობდნენ და კომუნიკაციას ამყარებდნენ ერთმანეთთან.

დაგეგმილი აქტივობები წარიმართა გეგმის შესაბამისად, ყველა მოსწავლე აქტიურად იყო ჩართული, ცალკე აქტივობად დავგეგმე ქსოვის, ქარგვის, კერვის, ასევე მოსწავლეთა შორის კომუნიკაცია, თანამშრომლობა, საკუთარი აზრის თავისუფლად გამოთქმა,  მარტო და  სხვებთან ერთად გუნდში.

აღსანიშნავია, რომ მოსწავლეთა შინაგანი მოტივაციიდან გამომდინარე, წრის ყოველი შეხვედრა იყო საზეიმო და სახალისო. აქტივობები დაგეგმილი იყო მოსწავლეთა ინტერესებისა და მოთხოვნილებების გათვალისწინებით. ისინი დიდი  მონდომებით  ასრულებდნენ ყველა დავალებას. საკუთარი მიღწევებიდან გამომდინარე ჰქონდათ თვითრწმენის განცდა,  მეც მეტი მონდომებით და პასუხისმგებლობით ვმუშაობდი  ჩემს მოსწავლეებთან.

საწრეო მუშაობის მსვლელობის დროს მომიხდა პროგრამის მოდიფიცირება. მოსწავლეთა ინტერესებიდან და სურვილიდან გამომდინარე, დავამატე ხალიჩების ქსოვაც.

შემდეგში დაგეგმილ საწრეო მუშაობაში აუცილებლად გავითვალისწინებ მოსწავლეთა ინტერესს და გამოვიყენებ ქართულ ხალხურ სხვადასხვა კუთხისთვის დამახასიათებელ ორნამენტებს. ასევე მეტად გამოვიყენო  კომპიუტერული ტექნოლოგიები, მეტი ვიმუშაო პროექტებზსაბოლოო ჯამში უნდა აღინიშნოს,რომ მოსწავლეები კმაყოფილები არიან იმით, რომ ცოდნა გაიღრმავეს, გახდნენ თავდაჯერებულები ქსოვის, ქარგვის, კერვის  დროს, გამოიმუშავეს ის უნარ-ჩვევები, რაც საჭიროა მარტო, წყვილსა და გუნდში შრომის დროს.

საწრეო მუშაობამ ხელი შეუწყო ხელოვნების საგნის პოპულარიზაციას სკოლაში, მოსწავლეებს აუმაღლდათ მოტივაცია  საგნისადმი. უფრო მეტმა მოსწავლემ გამოთქვა სურვილი სამომავლოდ წრეში ჩართვასა და ღონისძიებებში მონაწილეობაზე. ამრიგად,  საწრეო მუშაობა ხელს უწყობს მოსწავლის ესთეტიკურ აღზრდას, მის შემოქმედებით და კულტურულ პიროვნებად ჩამოყალიბებას. წრის წევრებმა  დადებითად შეაფასეს საწრეო მუშაობა და მსგავს პროექტებში მონაწილეობის სურვილი გამოთქვეს. წრეში მონაწილე მოსწავლეებმა და მათმა  მშობლებმა შეავსეს კითხვარი და გამოთქვეს თავიაანთი მოსაზრება წრის მუშაობაზე.

                        წრის ხელმძღვანელი: გულნარა ყირიმელი

                                                              02.12.2019წ